حالتك النفسية تعبانة .. قاعد تحاتي شي؟ دايماً حايشك قلق! تحس إنك متوتر! عيل لا تستغرب لو كنت من الناس الّي يعانون من السمنة ومو قادر تضعف!! اكتشفوا العلماء مؤخراً إن السبب الأول للسمنة بالعالم اهو الحالة النفسية قبل اي اسباب ثانية .. يعني مرات البعض يظنون ان سبب سمنتهم نوعية الأكل والبعض يظنون أسباب وراثية ولكن العلماء اكدوا إن الحالة النفسية مسؤولة عن 60% من حالات السمنة بالعالم .. طبعاً الواحد من يتحبط او تحوشه ضغوط نفسية يروح يطلع حرته بالأكل! ومن تتعب نفسية اي شخص نلقى جهازه الهضمي ما يأدي وظايفه صح وما يوصل الدم للمعدة ولا يمتص الأكل وبچذي ما توصل إشارات للمخ إن الإنسان شبع وطبعاً حزتها الواحد راح ياكل زيادة وبكميات خيالية .. ايضاً الدراسات اكدت إن القلق يهاجم مراكز الشهية بالمخ وهذا يسبب قصور في عمل خلايا الشبع وبچذي الواحد ياكل وما يشبع ويبدا يخربط بالأكل!! في الغرب اغلب الناس الي يعانون من السمنة يراجعون دكاترة نفسيين واقدروا يحلون مشكلة التوتر والقلق والحالة النفسية السيئة وبچذي اقدروا يضعفون لكن عندنا الدكتور النفسي عيب او حق الميانين بس!! باختصار الحالة النفسية السيئة راح تزيد وزنك وبنفس الوقت لما تصير متين حالتك النفسية راح تسوء اكثر واهني استحالة تضعف وشكراً !!
اذا انت شخص تحب ومدمن على الانستغرام فهذا الموضوع لك. Covers City المتخصصين في كڤرات واكسسوارات الموبايلات بأيدي شباب كويتية عندهم منتجات حصرية من بينها كڤر الانستغرام الأنيق للأيفون 4، أيفون 5 وحتى الجالكسي.
للتواصل معاهم:
واتساب: 50545644
تويتر: @Covers_City
انستغرام: Covers_City
محد فينا ما وصله صورة الكتاب “المكتوب” من بلدية الكويت عن مطعم B + F. انقول مكتوب لأنه ما عليه تاريخ، ما عليه رقم إشارة والأهم من هذا كله ما عليه حتى توقيع. بكل بساطه أي منافس او حتى لو شخص يبي يسوي لويه بتويتر يقدر يكتب الكتاب ويصوره من غير أي توقيع ويقط الكتاب بعدها. بس اذا نبي انتكلم بدون احتمالات.. الحقيقه تقول ان المطعم لي الحين مفتوح ولي الحين يقدم أرقى وأنظف أكل من بين مطاعم الكويت كلها.
مطعم B + F تأسس على أيد صاحبه المبدع باسل السالم من قبل سنتين و وصل فيه لي العالمية. بهالفتره هذي ما سمعنا عن أي حالات تسمم أو مرض الله لا يقوله أو حتى شكاوي بسيطه الي أي مطعم ممكن يواجهها. أحنا عندنا مشكله بالكويت يواجهها أصحاب المشاريع الصغيره والي اهي الصعوبة في التأسيس و الاستمرار في المشروع. وآخر شي انيي انقول والله ماعندنا شي نفتخر فيه؟ أكيد اذا صوره نفس هذي سوينا عليها لويه لا تلومون الي مايبون يخاطرون بفلوسهم وسمعتهم.
بالنهاية الي انحب انقوله تأكدوا من الخبر قبل لا تنشرونه السالفة ممكن توصل لقطع الأرزاق وبعض الأحيان توصل لي الشرف.
قال الله تعالى في محكم كتابه العزيز {يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ} [الحجرات: 6]
تابعنا
